Quantcast
Guraso.eus

Erditze plana: nolako erditzea nahi duzun adierazteko

Erditzeko egunean ospitalean edo etxean artatzen zaituzten pertsonek zutaz jakitea nahi duzuna betetzen duen idatzia da erditze plana.

Captura de pantalla 2015-06-17 a las 13.51.50

Nahia Alkortak Sabeletik Mundura atari digitalean azaltzen duen moduan erditze plan bat da: “Erditzeko egunean ospitalean edo etxean artatzen zaituzten pertsonek zutaz jakitea nahi duzuna betetzen duen idatzia”. Bertan adierazten dira eta idatziz jasota daude, besteak beste, nolako erditzea nahi duzun edo nolako tratua jaso nahi duzun. “Zer nahi duzun eta zer ez era argian adierazi behar da”, azaltzen du Alkortak. “Erditzearen inguruan dituzun desirak adierazten ditu, erditzeko unean kezka erantsirik izan ez dezazun”, gaineratzen du.

Nola idatzi eta aurkeztu

“Erditze plan bat ez da inolaz ere profesionalen edo ospitalearen aurkako eraso bat”, argitzen du Alkortak. Norberak idatz dezake, baina badaude ere horretan laguntzen duten adituak.

“Erditzeko hautatua izan den tokian aurkeztu behar da erditze data probablea baino aste batzuk lehenago, eta posible bada, komeni da erditze planaz hitz egitea bertako emagin-buru edo ginekologoren batekin”. Alkortak gomendatzen da baita ere erditzera joateko egunean erditze planaren kopia bat eramatea artatuko gaituen emaginari zuzenean emateko. “Emakumea da bere gorputzaren eta osasunaren inguruko erabakiak hartzearen arduradun bakarra (…) Hau da, emakumeak edozein unetan esan dezake EZETZ”.

Alkortak gaineratzen du emakumeak erditzearen edozein unetan adieraz dezakeela iritzi aldaketa erditze planean idatzitakoaz. Esaterako, epiduralik nahi ez izatea adierazi izana erditze planean, eta erditzean iritziz aldatu eta epidurala eskatzea. “Ahoz esatea nahikoa da”, azaltzen du Alkortak.

Gaiaren inguruan gehiago irakurri nahi izanez gero hemen.

Argazkiaren iturria hemen.

loading