‘Bihotz taupada batean’ fikziozko laburmetraia

Ia 42 milioi ikustaldi izan ditu In a Heartbeat laburmetraiak Youtuben. Ringling College of Art and Design-ek ekoitzia Esteban Bravo eta Beth David dira egileak. Maitasun istorio bat kontatzen du ordenagailuz egindako laburmetrai honek, bi umeren arteko maitasuna.

Sinopsia

Sherwin oso lotsatia da eta Jonathan noiz iritsiko zain dago eskola atarian. Badator Jonathan, baina Sherwin hain da lotsatia zuhaitz baten atzean ezkutatzen dela hura pasatzen ikusteko. Benetan maite du Jonathan eta bihotzak horrela adierazten dio. Benetan taupada handiak ditu. Hain dira handiak ezin dituela kontrolatu, eta bihotzak salto egiten du kanpora. Gorputza utzi eta badoa Jonathanen atzetik.

Sherwin saiatzen da bere bihotza harrapatzen eta ezkutatzen, baina ezin du saihestu Jonathanekin topo egitea. Egoera deserosoak ematen dira Sherwinentzako eta bihotza bi zatitan apurtzen da. Sherwinek ihes egiten du.

Baina Jonathan gerturatu zaio eta bere ondoan eseri da. Elkarrekin bihotza bere onera ekartzen dute eta bi zatiekin bat egiten dute berriz. Mezu benetan polita du In a Heartbeat laburmetraiak.