Quantcast
Guraso.eus

Baztanen mediku eta pediatra euskaldunak eskatzen dituzten

Herritarren parte hartzea eta inplikazioa bilatu nahi dute, administrazioan eraginez euskarazko osasun zerbitzuak lortzeko.

Captura de pantalla 2015-01-12 a las 12.56.18

Baztango euskalgintzak eta Baztango Udalak osasun zerbitzuak euskalduntzeko aldarria hasi zuten urtarril amaieran eta aldarriak jarraipena izango du otsailean. Kontseiluak, Behatokiak, EHE-k, Topaguneak, Osasungoa Euskalduntzeko Erakundeak eta UEMA-k babesten dute ekimena.

Herritarren parte hartzea eta inplikazioa bilatu nahi dute, administrazioan eraginez euskarazko osasun zerbitzuak lortzeko. Horretarako, mediku eta pediatra eskualdunak eskatzeko zer egin behar den adieraziz esku-orriak banatu dituzte etxez-etxe. Kartelak ere ipini dituzte Baztango herri guztietan eta bideo bat ere egin dute baztandar batzuen testigantzekin. Ikusi bideoa

Trabak Osasunbideatik

Elizondoko osasun-etxean kanpainaren berri ematen duen materiala eta eskaera-orriak biltzeko kutxa jartzeko debekua iritsi da Osasunbideatik. Antolatzaileek udaletxera pasa behar izan dute osasun etxean zegoen material guztia.

Albistearen eta argazkiaren iturria: Ttipi Ttapa