Quantcast
Guraso.eus

Azukre malutak

Iristi da negua. Neguarekin batera Gabonak. Gabonekin batera azukrez jositako jakiak.

Egia esan, negua iritsi aurretik Gabonetako protagonista izan ohi diren jakiak (turroi, txokolatezko bonboiak, …) begi bistan izan ditugu, eskura. Adibide  adierazgarria  dira supermerkatuak, sarreran bertan aurki baditzakegu kolore eta irudi erakargarriekin aurkeztuta. Urte osoan zehar haurrei zuzendutako jaki ez osasuntsu koloretsuek gure arreta piztu  badute, zer esan genezake garai honetaz?. Oso erraza da era ez kontziente batean errekaduak egiten gaudela hauetako hainbat produktu gure erosketa karroan sartzea. Marketin estrategiek   bideratu gaitzakete,  batez ere, txikiekin bagoaz.

 

Aurten, intentzioak hobetzeko animoak eman nahi dizkizuet. Baita ideia batzuk ere.

Komenigarria izango da adi ibiltzea erosketa garaian, batez ere erosketa urteko gainontzeko egunetatik oso ezberdina izan ez dadin. Nahiz eta jatordu konkretuetako (abenduak 24ko afaria, abenduak 25eko bazkaria, …) menuak bereziak izango diren.

Menua prestatzerako edo aukeratzerako garaian  txikitxoekin kontatzea ikasketa eta denbora pasa baterako aukera polita  izan daiteke. Honek ez du esan nahi beraiek aukeratu dutena soilik jango dugunik edo aukeratutako guztia jango dugunik, baizik eta denon artean menu osasuntsu eta gustuko bat osatzeko aukera izango dugula. Berriz ere, gu izango gara elikagai osasuntsuenak beraien  aukeren artean egoteko erantzukizuna izango dugunak.

Jakin, postretan ezagutzen  ditugun betiko  aukerez gain,  mila gehiago daudela. Gainera gustukoen dugun horrek, bertsio osasuntsuago bat duela seguru egon. Imajinazioa, esperimentatzeko gogoa, ausartzea eta “open mind” pentsaera osagai garrantzitsuak izango dira.

Errezeta bat konpartitzea erabaki dut. Ea zer diozuen…

KAKAO ETA PASAZKO TRUFAK

220g hur txigortu

90g pasa (edo nahi dugun fruta lehorrak: datila, okan pasak, …)

2 koilara kakao puru

120g almendra birrindu

Bainila esentzia edo kanela apur bat.

  • Jarri pasak uretan hidrata daitezen. Eta birrindu 200g hur krema leun bat osatu arte.
  • Beste ontzi batean birrindu hidratatutako pasak, pasta antzeko bat lortu arte. Batu hur krema eta pasa pasta.
  • Nahaste berri honi kanela edo bainila gehitu genezake almendra birrinduak gehitu eta nahasten dugun bitartean. Eskuekin landu daitekeen ehundura lortu arte.
  • Sartu hozkailuan 10 minututarako. Xehatu banandu ditugun 20g hur.
  • Eskuak umelduta ditugularik nahaste apur bat hartu eta borobiltxoak osatuko ditugu, trufa itxuran. Jarraian kakao eta hur xehatutatik pasako  ditugu.
  • Jan aurretik 30 minutuz gorde hozkailuan.

 

Garai hauetan ere barazkiez ahaztu ez gaitezen, beste ideia batzuk honako bideo honetan

 

Maite Garitano

AURKEZPENA Maite Garitano Lasa, Dietista Nutrizionista. Giza elikadura eta nutrizioaren maitale. Nutritxoko-ko arima. Nutrizioko alderdi profesionalean hainbat gai jorratzen ditudan arren, haur elikadurak txunditzen nau. Gainera gai honen inguruan hainbat kontzeptu argitzeko eta erakusteko daudela ikusirik “arre” esan eta lanari ekitea baino ez zait geratzen. Proiektu honetan murgildurik hainbat gauza ikasi eta haurretaz disfrutatzea tokatzen zaigu. Hastera goaz.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading