Quantcast
Guraso.eus

Arrasateko Santa Marina ludotekan ‘Gure ortua’ proiektua garatu dute umeekin batera

Gaztetxo arrasatearren nahiak aintzat hartu eta elkarlanean garatutako egitasmoa da. Ludotekako txokoak definitu eta landu, ortua sortu eta horma-irudia margotu dute. Aurrerago beste bi eremu sortuko dituzte: Lokatz Gunea eta belardiko jolasak.

Proiektuaren lehenengo urratsa 2018-2019 ikasturtean eman zen. Haurren beharrak entzunda, kanpo espazioak eraldaketa premia zuela adostu zuten. “Grisa, hotza eta hezea zen espazio bat, argitsua, beroa eta haurren beharrei egokitua izatea nahi genuen. Beraz, haurren eskaera honi heldu genion”, azaldu du Itsaso Gallastegi koordinatzaileak. “Parte hartze prozesu bat ireki genuen honetarako: saioa kanpo espaziotik hasi eta gela lasaian amaitu genuen. Plano baten gainean diseinatu genituen txokoak, bakoitzaren arauak, beharrezko materiala… Luzea izan zen prozesua baina emaitza ezin hobeak eman zituen”, esan du Garazi Azkarate hezitzaileak.

Behin nahierako espazioak definituta, haurrek aurkezpena egin zieten gurasoei eta Udalari. Ondoren Udaleko obra lantaldearekin batera zehaztu zen proiektua. Kanpo espazioaren argiztapena, kanpora irteteko atea, ortua, eszenatokia… etorri ziren jarraian.

Horma-irudia

Duda barik, Santa Marinako ludotekako kanpoko espazioari kolorea ematen diona margotutako horma-irudia da. POOK Elkartearen laguntzarekin margotu dute: Lexuri Doyague, Mari Urizar, Joana Mancisidor, Elena Azkarragaurizar eta Sara Miguelez, hain justu ere. Paraleloa zen beste parte hartze saio bat egin zen haurrekin horma-irudian margotu beharrekoa erabakitzeko. Behin haurrekin batera bozetoa eginda artistek margotu dute kanpo espazioko horma ia osoa. Haurrek ere beraien zatiak margotzeko aukera izan dute, baita horma-irudian ageri den leloa asmatzekoa ere: Plazaludo.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading