Amigó fundazioa irabazi-asmorik gabeko erakundea da, eta 1996tik ari da lanean haurren eta gazteen eraldaketa soziala eta indibiduala bultzatzeko. Arriskuan dauden eta gizarte-bazterketa sufritzen dutenei laguntza ematea da haien helburuetako bat. Modu beran, gazteei helduarorako trantsizioan lagundu eta nerabeen eta haien familien arteko gatazkak konpontzen lagundu nahi dute. 10 programa eta 57 gizarte-proiekturen bidez garatzen dute helburua.

SONY DSC

Bere jarduera-eremuen artean, haurren babesa nabarmentzen da. Eta hainbat esparrutan egiten dute lan: nerabezaroan, legearekin gatazkan dauden adingabeekin esku hartzea, prebentzioa eta parte-hartzea, seme-alaben eta gurasoen arteko indarkeria artatzea, emantzipazioa eta gizarteratzea eta laneratzea, adikzioetan esku hartzea, etab.

Berrogeialdi garai honetan, Amigó Fundazioak doako orientazio-zerbitzu bat abiarazi du familientzat. COVID-19, ziurgabetasun-egoeran gaude, eta gure etxean egon behar dugu aste batzuetan, eta Amigo fundazioarentzat beharrezkoa da jarraibide batzuk ezartzea bizikidetza bultzatzeko. Horretarako, Amigó Fundazioak “Familias en Acción” ekimena abiarazi du nerabeen eta familien arteko gatazkak konpontzen laguntzeko eta gurasoen eta seme-alaben arteko indarkeria eta familia barruko gatazkak ekiditzeko.

Hiru gida praktiko argitaratu ditu fundazioak eta hauek ikusgarri daude erakundearen webgunean. 
“Seguruenik, egun eta aste hauetan zehar, bakoitzari egokituko zaigu une eta egoera emozional desberdinetatik igarotzea: estresa, antsietatea, bakardadea, haserrea, frustrazioa, asperdura… Horregatik garrantzi handia hartzen du ekimen honek. Gure emozioak eta pentsamenduak zaintzea eta beste pertsona batzuei laguntzea garantzitsua da”, diote erakundetik.

Ekimenaren eduki guztia hemen kontsulta daiteke.

Argazkiaren iturria hemen.