Quantcast
Guraso.eus

Amelia Barquin: “Berdin heztea ez da posible, helburua da askatasun zirrikituak zabaltzea”

Hezkuntzan eta generoaren gaian aditua da Amelia Barquin irakaslea eta Aramaioko (Araba) guraso elkarteak gonbidatuta hitzaldia egin du. Argi du gizarte honetan desberdin hazten ditugula neskak eta mutilak. “Berdintasunaren alde gaude guztiok, diskurtsoa iritsi da, baina praktikan ze askatasun dute umeek euren identitatea eraikitzerakoan”, esan du. Barquinek uste du ez dela posible berdin heztea: “Horren kontziente izan behar dugu. Helburuak behar du askatasun zirrikituak zabaltzea”.

Aurrerapauso asko eman direla uste du, baina ez alor guztietan eta bereziki kezkatuta dago binarizazioarekin. Rolak, ezaugarriak, generoa gero eta gehiago markatzen direla uste dut eta Kinder arrautzen adibidea ipini du. “Orain aukeratu egin behar duzu urdina edo arrosa. Hori orain urte batzuk ez zegoen”, dio.

Barquinek argi du binarizazioak ez digula bizitzen laguntzen, ez gaituela zoriontsu egiten. Bide “zurrunak” markatzen dituela dio. Umeak, txikitatik desberdin tratatzen ditugula dio: “Desberdin tratatzen baditugu edo desberdin hitz egiten badiegu ari gara umeak binarismo horietan sozializatzen”.

Iturria: Goiena.eus

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading