Quantcast
Guraso.eus

Alvaro Bilbao: “Seme-alaben ametsak betetzea nahi baduzu, eman iezaiezu amets egiteko denbora librea”

Neuropsikologoa da Alvaro Bilbao eta El cerebro del niño webguneko arduraduna. Interesgarriak iruditu zaizkigu sormenari buruzko tailer didaktiko batean esandakoak eta gurera ekarri ditugu.

captura-de-pantalla-2016-12-20-a-las-22-36-04

Alvaro Bilbao neuropsikologoaren esanetan adimena da arazo berriei konponbidea emateko gaitasuna. Eta Einsteinek esandakoei tiraka definizio horri gehitzen dizkio beste bi esaldi hauek: “Sortzen dugu adimena jolasean dabilenean” eta “Adimenaren benetako adiera ez da jakintza baizik eta irudimena”.

Bilbaoren esanetan sormenak lagun diezaieke gure seme-alabei bizitza honetan bidea topatzen. Horregatik da hain garrantzitsua zaintzea eta lantzea. Haurrak berez dira sormen gaitasun handikoak. “Adinarekin galdu egiten dugu gaitasun hori. Ikerketa batek ondorioztatu du neska-mutikoei, egunean, hamar bat ideia berri bururatzen zaizkiela eta helduei astean bi”, esan du.

Neuropsikologoak azaldu du garunak hiru geruza dituela: biziraupenaz arduratzen dena, emozioei dagokiona eta hirugarrena logikaren geruza. “Sormenak eskatzen du geruzen arteko loutra eta koordinazioa. Eta sormenak adoretsu izatea eskatzen du”.

Neska-mutikoen sormen gaitasuna lantzeko neuropsikologoak proposatzen du tarteka pantailak itzaltzeko, behaketarako eta hausnarketarako denbora eskaintzeko, tartea emateko margotzeko, eraikitzeko, mozorrotzeko… “Haurrek ideia zoroak izan ohi dituzte sarri eta gehienetan jasotzen dituzten erantzunak dira: Ez, zergatik… edo Bai, baina… Eta erantzun beharko genieke gehiagotan Bai, eta gainera… Haritik tira egin beharko genuke esan beharrean bide horretatik ez doazela inora”, dio. “Haurren sormena errespetatzea ez da nahi duten guztia egiten uztea. Zergatik pentsatzen dugu horrela!”.

 

Iturria eta informazio gehiago (gazteleraz) hemen.

Argazkiaren iturria hemen.

Azaleko argazkiaren iturria hemen.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading