Quantcast
Guraso.eus

Albertine ilustratzailea eta Jacqueline Woodson idazlea 2020ko Andersen Sariak

IBBYk maiatzaren 4an iragarri ziituen aurtengo Andersen Sariak. Ilustratzaileen atalean Albertine suitzarrari eman diote 2020ko Andersen Saria eta idazleen atalean Jacqueline Woodson idazle estatubatuarrari. Junko Yokota aurtengo sarien epaimahaiburuak egin du iragarpena, eta aukeraketa zaila izan dela azpimarratu ondoren, Albertinen lanaren gaitasun lirikoa eta freskotasuna nabarmendu ditu, besteak beste. Woodson-en lanari dagokionez, detaileen zaintzari eta espontaneotasunari azpimarra egin die. Sariak Moskun, datorren irailean, egitekoa zen IBBYren 37. Biltzarrean emango bazituzten ere, COVID-19ak sortutako egoeragatik kongresua atzeratu eta 2021eko irailean izango dela esan dute, baita sariak orduan emango dituztela ere. 

Nabarmendu behar da, azken txanpara sartutako hautagaien artean Elena Odriozola ilustratzaile donostiarra zegoela. Mundu zabaleko 36 ilustratzaileren artean galbahea pasa zuen Yokotak buru zuen nazioarteko adituek osatutako epaimahaiak eta Odriozola puntako seikoan sartu zen. Izan ere, 36 ilustratzaile haietatik hautaketa prozesuaren amaieraraino iritsi zen Odriozolaren lana.

Edonola ere, euskal haur eta gazte literaturaren komunitatearen kide bat mundu mailako sari hauetako azken aukeraketan egotea zoriontzekoa da.

Albiste eta testuaren iturria: Galtzagorri

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading