Quantcast
Guraso.eus

40tik gora ipuin, jada, ‘ipuinak.eus’ atarian

Urtarrilaren 25ean aurkeztu zuten www.ipuina.eus ataria Koldo Izagirrek eta Mikel Elorzak. Hogeita bat ipuin zeuden orduan eskuragarri atari digitalean, eta 40tik gora daude jada.

Askotariko kontakizunak aurkituko ditu irakurleak bertan, idatzizko formatoan guztiak. Eta baita ere garai askotariko idazleek sorturikoak. Laura Mintegi, Lauaxeta, Pedro Mari Otaño, Ibon Sarasola, Gabriel Aresti, Piarres Laffite, Bizenta Mogel… dira autoreetako batzuk, eta ipuin anonimoak ere badaude tartean.

Hiru atal nagusi ditu ipuina.eus atari digitalak: ipuinak, autoreak eta kronologia. Ipuinak biltzearekin batera nolabaiteko testuinguruan kokatzea ere badu helburu egitasmoak.

Ondare kultural ez materiala hain bogan dagoen sasoi honetan euskal ipuinen unibertsoari ere aitortu nahiko genioke duen garrantzia.

Seme-alabei zein ipuin kontatu bila zabiltzatenean gogoan izan eskura duzuela ere ipuina.eus.

Atari digilata elikatzen jarraitzeko asmo irmoa dut, gainera, bultzatzaileek. Hau pagotxa, gurea!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading