Txangoa familian: Salburuko parkean (Gasteiz) bizikletak erabilgarri familia guztiarentzako

Sei parkek osatzen dute Gasteizko eraztun berdea. Horietako bat da Salburua. Hainbat aintzirak eta harizti txiki batek osatzen dute Salburua. Parkearen barruan Ataria dago, ingurumenaren interpretazio zentroa, non askotariko jarduerak eskaintzen dituzten (gidatutako ibilbideak, haur-ikuskizunak, etab.).

Parkea bizikletarekine ezagutzeko aukera ere ematen dute. Hainbat bizikleta dituzte eskaintzeko, txikientzako zein helduentzako. Doan har daitezke, beti ere bi orduko epean itzultzeko eta Nortasun Agiria harreran utzita.

Parkean hegaztiak behatzeko hainbat begiratoki daude, eta ez dira gutxi han hemenka ikusgai dauden oreinak. Atarian taberna, komunak, umeentzako jolas parkea, eta erakusketa aurkituko ditugu, besteak beste.

Salburua parkeari buruzko informazio gehiago hemen.