Quantcast
Guraso.eus

Sakelako telefonoak eskolan, bai edo ez?

Frantziako Lege proposamen berriaren arabera 15 urtetik beherako ikasleek ezingo dute eskolan mugikorrik erabili, barne araudiak onartzen duen lekuetan eta egoeretan izan ezik.

2016an egindako inkesta baten arabera, 12 eta 17 urteko bitarteko nerabeen %93 zen telefono mugikor baten erabiltzaile. Neurria bultzatzen dutenek uste dute sakelakoaren erabilera neurrigabekoa dela azkenaldian eskoletan, eta jarrera erasokorrak, ziberjazarpena eta zibersexismoa susta ditzakeela.

Neurriaren kontrako iritziak ere agertu dira hezkuntza komunitatean. Kontraesanak ikusten dituzte, zalantza dute debekua ote den bide egokiena eta hobeto aztertu beharreko gaia dela uste dute.

Jaurlaritzako Hezkuntza Sailburu Kristina Uriartek jakinarazi du Araban, Bizkaian eta Gipuzkoan oraingoz ez dagoela denei eragiten dien araurik. Hala, ikastetxe bakoitzak erabaki beharko duela ikasleei gailuak eramaten utzi edo ez.

Espainiako Gobernuari dagokionean Isabel Zelaak gaia adituekin lantzeko asmoa duela jakinarazi du.

 

 

 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading