Quantcast

Oñatiko Txantxiki familia elkarteko kideei elkarrizketa

Oñatiko Txantxiki familia elkarteak antolatutako askotariko ekimenen berri izan dugu azkenaldian. Elkartea bera ezagutzeko elkarrizketa egin diegu.

Noiz, nola eta zertarako sortu zenuten Txantxiki familia elkartea?

2014ko martxoan sortu genuen elkartea, guraso talde baten ametsak partekatu eta proiektuari forma eman genionean. Hasiera batean 21 familia elkartu ginen; baina, urteak aurrera joan ahala, beste familia batzuk ere sartu dira elkartean. Gaur egun 23 familia gaude Txantxikin. Elkarteak ez du izan aldaketarik bere oinarrian.

Familiaren inguruan dauden hainbat gai partekatu eta harremanak izateko tokia da Txantxiki. Heziketa, hazkuntza, elikadura, jolasak… dira gai horiek, besteak beste. Familiek izan ditzaketen kezkak eta arazoak partekatzea da asmoa. Horrez gain, etxeko txikienen aisialdirako gunea ere bada Txantxiki; aisialdia izan daiteke kanpoan egin daitekeen ekintza bat, edo baita lokalean bertan egin daitezkeen ekintzak ere.

Elkartean familiak gaude, ume txikiak dituzten familiak. Ume gehienak 6 urtetik beherakoak dira. Gustu eta ohitura ezberdinak ditugun familiak gara, baina komunean duguna da gure haurren heziketarekiko kezka.

Elkartea sortu zela bi urte pasa dira. Hainbat ikastaro egin ditugu denbora tarte honetan; ume eramaileen eta pixoihal berrerabilgarrien gaineko hitzaldia egin genuen; Nerea Mendizabalekin komunikazio ez bortitzaren gaineko tailerra egin dugu (bi aldiz); lehen sorospen pediatrikoak landu ditugu; eta, elikadura neofobiari buruzko hitzaldia eskaini zuen otsailean Edurne Maizek. Horrez gain, hainbat jai ere egin ditugu: 2014ko abenduan merkatu txikia egin genuen. Gure lokalera umeen arropak eta osagarriak saltzen dituzten hiru denda gonbidatu genituen eta eurekin batera merkatua egin genuen. Herri guztiari irekitako ekintza izan zen hori. Umeek parte hartzeko tailerrak ere egin ditugu: musikoterapia, Pottokalekura bisita, Pirritx, Porrotx eta Mari Motots oinarri hartuta mozorro festa eta altxorraren bila, besteak beste. Gainera, taldeko kideak hobeto ezagutzeko hainbat jai egin ditugu.

Edoskitze taldea ere sortu genuen. Haurrari bularra ematen dioten amen taldea baino zerbait gehiago da edoskitze taldea. Astean behin elkartzen dira Gaztelekuan, eta herri guztiari zabaldutako taldea da.

Txantxiki Eltziaren barruan kokatzen da. Eltzia da Oñatin 30 eragile baino gehiago elkartzen dituen egitasmoa. Eltziaren barruan egoteak familiak elkartzeko tokia eskaini digu. Modu horretan, familiak elkarrekin harremanetan egonda, ekintzak egiteko eta sortzeko aukera izan dugu.

txantxiki

Harreman sare berriak sortzeko balio izan al dizute elkarteak? Eskolaz gaindiko harremanak ahalbidetzen dira edo eskola/ikastola bereko familiak zaudete Txantxikin?

Bai, elkartearen bitartez harreman sare berriak landu ditugu. Oñatin dauden hiru ikastetxeetako umeak daude elkartean. Egia da adin berdintsua dutela gehienek; hala, gela berean dabiltzan hiru edo lau haur elkartzen dira batzuetan Txantxikiko gelan. Hala ere, beste ikastetxe batzuetako umeekin jolasean ibiltzen dira inongo arazo barik. Esan behar da ume nahiko txikiak direla eta eurak ez direla horretaz ohartzen. Familien artean ere harreman berriak sortu dira Txantxikiren bitartez.

Elkartea sortu eta gero lortu zenuten espazioa, edo espazio beharrak bultzatuta sortu zenuten elkartea?

Biak batera etorri ziren. Elkartea sortzeko lehenengo bilerak 2014ko urte hasieran egin genituen; garai hartan, Oñatiko Udala ETEOko eraikin zaharrari beste erabilera bat emateko prozesuan zebilen. Herriko elkarteentzat leku bat sortu gura zuten, egun Eltzia dena. Hori horrela, gure lekua Eltzia zela pentsatu genuen. Elkarte moduan eratu ginen eta Eltziako lokal bat erabiltzeko aukera izan genuen.

 txantxiki2

Zein da zuen funtzionamendua, nola erabakitzen duzue landu nahi dituzuen gaiak edo antolatu beharreko tailerrak eta ikastaroak?

Elkartearen barruan hainbat talde ditugu: ekintza taldea, garbiketa taldea, harrera taldea, komunikazio taldea eta zuzendaritza.

Urte hasieran ekintza taldeak urtean zehar egingo diren ekintzak pentsatzen ditu eta aurrekontuak eskatzen ditu horiek Udalean aurkezteko. Horrez gain, edonork egin dezake proposamen bat ekintza baten gainean. Urtean zehar zuzendaritzak deitutako pare bat batzar egiten ditugu: horietan, egon daitezkeen arazoak azaltzen dira, eta diru kontuen berri ematen da. Gainera, Eltzia barruan egoteak beste betebehar batzuk ere eskatzen ditu: Eltziako batzarretara joan, espazio komunen garbiketa… Horiek guztiak egiteko ere antolatu behar izaten dugu.
Gaur egun eskura ditugun teknologia berriak erabiltzen ditugu gure arteko harremanak erosoagoak izateko. Whatsapp talde bat dugu eta horren bitartez egin beharrekoak azaltzen dira, zerbait antolatzeko laguntza eskatzen da, bilerak deitzen dira…

altxorrarejn bila

Aurrera begira ze erronka aurreikusten dituzue?
Elkarteari dagokionez herrian ezagutzera ematea izango litzateke erronka bat, eta bide batez familia gehiago egitea Txantxikiko bazkide.

Espazioari dagokionez, aurten bertan obrak egin behar dituzte Eltzian. Obren ondoren gela berri bat izango dugu. Gure lana espazio berria ahalik eta txukunen eta egokien jartzea izango da. Erronka polita dugu aurrean!

pottokaleku
Pottokalekura egindako irteera

3 thoughts on “Oñatiko Txantxiki familia elkarteko kideei elkarrizketa

  1. sofortkredit ohne schufaauskunft privat

    También hablé yo sobre el tema porque me parece una vez más que saneamos las cajas con dinero público, con el de los contribuyentes, con el nuestro y dentro de máximo cinco años se venden al mejor postor. Otro gran negoocio pero aquí no pasa nadaBesos

  2. Grand Prairie, TX ins quotes

    Let's see how well the Knicks do against the Mavs today. Isn't Nowitzki having a great year? Think he's taken in by all this stuff? I doubt it."Of course, Nash didn't become a superstar until his 30s, so anything could happen with Lin."Yeah. Asians develop latest of all 3 major racial groups. Nothing but a feeling, but I think that Lin is good. He's mentally tough and I don't think he's as taken in by the "Linsanity" as the rest of the world.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading