Quantcast
Guraso.eus

Olatz Zugasti: “Ezinbestekoa da musikaren zein kantagintzaren alorretan euskal tradizioaren nozioak erakustea”

Olatz Zugasti musikari hernaniarrak ondo ezagutzen du euskal kantutegia. Kultura transmisioaren inguruan egin dugu berba berarekin. Urteak eman ditu Kantaita irratsaioa egiten eta baita ere Orioko ikastolako abesbatza gidatzen.

Captura de pantalla 2015-11-13 a las 11.33.26

Garrantzia handia du, zure ustez, neska-mutikoei euskal kantu tradizionalak erakustea?
Gaur egun ezin da horrelakorik esan, baina euskaldunok menpekotasun egoera batean gaude. Uzten dizkigute apurrak, eta ematen diguten tartea estua da. Egoera honetan zer egin dezakegu? Ba hor daude ikastolak, curriculum-a… Eta nire ustez curriculum horretan ezinbestekoa da musikaren zein kantagintzaren alorretan euskal tradizioaren nozioak erakustea. Badugu materiala. Ezer ez bagenu ezingo genukeen ezer egin, baina hor dauzkagu kantutegi batzuk oso aberatsak direnak ikusteko eta ezagutzeko gure herrian zer jorratu den, zein tendentzia egon diren, zein motatako kantuak egin diren… Eta ez bakarrik musika aldetik. Literatura aldetik ere hor dago ahozko literatura euskalkiak eta abar lantzeko. Niretzako hor harrobi bat dago lantzen ez dena.

Ez da lantzen?
Nire ustez ez. Gauden egoeran gauzak korrika egiten dira. Apurrak dira. Egunen batean akaso… Argi dago gauzak serio egiteko beste egoera batean egon beharko genukeela.

Etorkizunera begira zer proposatuko zenuke?
Herri honek minik baldin badauka eta badirudi minak daudela ze beti gaude kexu gure eskubideak direla, handik eta hemendik erasoa dela… Hala, herri honek minik baldin badauka behingoz egin behar duena da politika serio bat planteatu berari dagokiona maiuskulekin idazteko. Eta egin behar duen lehenengo gauza herri bezala kokatzea da. Legea ez da gurea, eta apurtxoekin jokatzea baino nik dena nahi dut.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading