Quantcast

Naturan jolasean Arrasaten

Aurten ere herriko beste hainbat eragilerekin batera naturara hurbiltzeko jardunaldia antolatu ditu Txatxilipurdi elkarteak Arrasaten. Ekimen honen prestaketan Leintz Eskola Kirola, Besaide Mendizale Elkartea, Olgeta, Arrasateko Gaztetxea eta Naturtzaindiarekin aritu dira. Guk Oier Nafarrate Txatxilipurdi elkarteko kidearekin hitz egin dugu jardunaldien nondik norakoak ezagutzeko.

 


 

 

Hona hemen Arrasateko eragilek elkarlanean  antolatu duten egitaraua.

MAIATZAK 20, larunbata: NATURAN JOLASEAN Monterronen

  • 10.45-13.00 Herriko Plazan hasita Gynkana Santa Barbaran burutuko da. Gynkanaren helburua jolasa medio, Arrasateko espazio naturalak jolaserako baliatzea izango da. Gynkana hau Leintz Eskola Kirola, Besaide M.E. eta Txatxilipurdiren artean dinamizatuko dugu.

 

  • 12.00etatik aurrera Monterronen JOLAS LIBRE ETA ESPONTANEORAKO gunea. Monterronek eskaintzen duen espazio naturala aprobetxatuta eta bestelako material natural batzuk gehituta jolas libre eta espontaneoaz gozatzeko aukera izango da. Jolas gune honetan material desberdina egongo da parkean zehar eta helburua haurrek modu librean hauek erabili eta jolastea izango da. Hainbat bidelagun egongo dira parkean zehar baina printzipioz ez dute haurren jolasa gidatuko.

 

  • Naturtzaindia elkartearekin batera parkeko ekosistema ezagutzeko dinamika bat ere burutuko dugu, parkeak duen aberastasunaz jabetzea izango da helburua.

 

  • 13.30etan bazkaltzeko geldiunean. Herriko familiak bazkariarekin Monterronera hurbiltzera animatuko ditugu bertako espazio naturala probestuz egun pasa osoa egiteko.

 

  • 16.00etan bi dinamika gidatu abiatuko dira:  oihal akrobazia eta tipiak. Batetik, Arrasateko gaztetxeko kideen laguntzarekin oihal akrobazia praktikatzeko aukera izango dugu. Bestalde, Olgeta jolaserako zentroko kideek tipien eta babeslekuen eraikuntzan lagunduko digute.

 

 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading