Quantcast

Lehen sorospenak, BELARRIKO MINA

Lehen sorospenei buruzko gidaliburua argitaratu zuten 2008. urtean Donostia Ospitaleko Pediatria Zerbitzuko mediku egoiliarrek.  Gida  honen helburu nagusia  gurasoei ume gaixoaren edo istripua izan duenaren ondoeza edo mina arintzeko informazio baliagarria eskaintzea izan zen. medikua ordezteko asmorik izan gabe. Hori horrela, medikuarengana joan bitartean, haurrak dituzten guraso guztiek egoera arrunt, urgente eta/edo larrien aurrean baliagarriak diren prozedurak azaltzen dira.

Guk, gida guraso.eus-era ekarriko dugu atalez atal  interesgarri izan daitekeelakoan.

BELARRIKO MINA

 

Erdiko belarriko infekzioa goiko arnasbideetako infekzioen konplikazio arruntena da, batez ere bizitzaren lehen urteetan.
Otitisa analgesikoekin bakarrik sendatzen da gehienetan 48-72 ordutan, antibiotikorik behar
izan gabe.
Sintomak: belarriko mina, sukarra, anorexia, gorakoak, beherakoa, belarritik likidoa ateratzea.

 

ZER EGIN

Belarriko mina kentzeko ibuprofenoa edo parazetamola erabili, medikuak agindutako dosietan.
Ez bota ezer belarri barnean. Likidoa atera bada, ez busti belarria.
Garbitu sudur-bideak serum fisiologikoarekin erdiko belarriarenaireazioa hobetzeko.
Umeak ez du jateko gogorik izango, ez behartu.
Haurrak 48 ordutara sukarra edo belarriko minarekin jarraitzen badu, pediatrak berriz baloratu beharko du.
 

NOIZ ERAMAN HAURRA LARRIALDI-ZERBITZURA

Haurra makalago, loguraz edo kexati badago.
Buruko min handia badu edo botaka badabil.
Belarri atzean gorritasuna, mina eta belarria aurrerantz bultzatzen duen hantura agertzen bada.
 

 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading