Quantcast

Lehen sorospenak: SUKARRA

Lehen sorospenei buruzko gidaliburua argitaratu zuten 2008. urtean Donostia Ospitaleko Pediatria Zerbitzuko mediku egoiliarrek.  Gida  honen helburu nagusia  gurasoei ume gaixoaren edo istripua izan duenaren ondoeza edo mina arintzeko informazio baliagarria eskaintzea izan zen. medikua ordezteko asmorik izan gabe. Hori horrela, medikuarengana joan bitartean, haurrak dituzten guraso guztiek egoera arrunt, urgente eta/edo larrien aurrean baliagarriak diren prozedurak azaltzen dira.

Guk, gida guraso.eus-era ekarriko dugu atalez atal  interesgarri izan daitekeelakoan.

SUKARRA

 

Sukarra gorputzaren tenperatura normalarenigoera da:
> 38 ºC ondestean
> 37,5 ºC besapean
Birusek eragindako infekzioak sukarraren sortzaile nagusiak dira.

ZER EGIN

 
Umea arropa gutxirekin mantendu.
Likido ugari eskaini, behartu gabe.
Giro-tenperatura egokia mantendu.
Sukarra haurrarengan eragina duenean bakarrik tratatu behar da.
Medikuak agindutako antitermikoak bakarrik erabili, eta agindutako dosietan.
Ez da komeni antitermikoak txandakatzea, albo-ondorioak eta dosi-akatsak gertatzeko arriskua handitzen baita
 

NOIZ ERAMAN HAURRA LARRIALDI-ZERBITZURA

 
3 hilabete baino gutxiago dituenean.
Haurra loguraz edo kexati dagoenean.
Arnas zailtasuna nabaritzean, buruko min handia duenean edo botaka dabilenean.
Lehen konbultsioa izatean.
Azalean presioarekin desagertzen ez diren orban gorriak azaltzen bazaizkio.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading