Quantcast

Kide ugariko familien 8. euskal kongresua, urrian

Hirukidek antolatuta urriaren 21ean eta 22an egingo dute urteroko kongresua, Donostian. Lehenengo egunean pil-pilean dagoen gai bati helduko diote: segurtasuna Interneten. Iganderako bisita antolatu dute Astigarragako sagardoetxera. Plaza mugatuak dira eta zabalik da izen-ematea.

 

Kursaal jauregian emango diote hasiera kongresuari eta bertan Internet izango dute aztergai. “Gurasook gero eta gehiago kezkatzen gaituen gai batez ariko gara: segurtasuna Interneten, eta nola prestatzen ditugun eta prestatu behar ditugun seme-alabak beren gailuak egoki eta seguru erabil ditzaten”. Hizlariak izango dira David Barroso, Ruth Sala, Selva Orejón eta Jesús Pernas.

Gurasoak jardunaldian diren bitartean egitarau berezia izango da umeentzako. 10-14 urte bitarteko neska-mutikoentzako robotika eta mugendo tailerrak antolatu dituzte eta horrekin batera hitzaldiak Ertzaintzako aditu informatikoen eskutik. Txikienek ere, egun osoan, jarduera eta jolas ugariz gozatu ahal izango dute adinaren arabera taldekatuta.

Igandean irteera

Kongresuari amaiera emateko Astigarragako Sagardo Museora (Sagardoetxea) txangoa antolatu dute Hirukidekoek. Goizean izango da. “Bisitak ordubete inguru iraungo du, eta etorriko direla berresten duten familiek txandaka egingo dute, 10:00etan hasita. Horrez gain, hala nahi duten familiek Sagartrekking delakoa ere egin ahal izango dute: Santiagomendi sagardo-bidean zeharreko ibilaldia da, non zortzi azalpen-estazio dauden.

Izen-emateen eta erreserben gaineko informazioa hemen.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading