Gabonak ate joka ditugu eta horrekin batera badator zein opari egin pentsatzeko unea. Gure haurren hezkuntzako parte dira jostailuak eta bertatik balore onak ikas ditzakete baina baita ere txarrak. Neska-mutikoek Gabonetan jasotzen duten opari kopurua ere bada hausnarketarako gaia.

Jostailuen truke azokak indarra hartzen ari den fenomenoa da. Gero eta garrantzi handiagoa hartzen ari dira eta bertan jostailuak aukeratzeko gomendioak ere jasotzen dituzte gurasoek sarri. Orain urte batzuk oso leku gutxitan egiten zituzten horrelakoak.

Arrasateko Txatxilipurdi elkarteak urtero antolatzen du jostailuen truke azoka, eta aurten ere martxan du ekimena.