Quantcast

Jolas proposamena: PAPER ZAHARRAK BERRI

Herri eta hiriak haurrenak ere badirela aldarrikatzeko sortu zuen Txatxilipurdi elkarteak kalekantoi jolas bilduma. Bertatik ekarri dugu jolas proposamen hau. Paper zaharrak berri

 

Azalpena:

Forma desberdinetan moztuko ditugu paperak: triangelu handi bat, triangelu txiki bat, karratu handi bat, karratu txiki bat, tamaina desberdinetako laukizuzenak, borobilak, obaloak … forma hauek erabiliz irudiak egingo ditugu! Zer egin dugun asmatu behar du ondokoak. Gure artean probak jarri ditzakegu: “osatu itsasontzi bat”.

Denon artean irudi bat osatuz joan gaitezke, gero eta handiagoa eta baita istorio bat ere!

Argazkietan:  Otxandioko  ludotekako haur eta hezitzaileekin egin genuen jolasa, ludotekan eta edozein etxeetan ere paper zahar asko pilatzen zaizkigu askotan. Hauekin  jolasteko modua asmatu genuen.

 

HELBURUA:

Materialak berrerabiliz sormena lantzea.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

kalekantoi Egunerokotasunean hainbat egoeretan jolasteko jolasak batzen dituen bilduma da . Jolasak norberaren edo lagun taldearen gustura eta imajinaziora moldatzeko sortuak izan dira. Baita, espazio ezberdinek ematen dizkiguten aukera eta materialetara ere.

Herri eta hiriak haurrenak ere badirela aldarrikatzeko sortu zuen Txatxilipurdi elkarteak. Horregatik bultzatu nahi izan dituzte haurrak kalea bere egitera eta berain kasa bertan jolastera, Kale kantoiren hartzaile natural eta jolasaren protagonista izanik. Era berean, jolasaren indar sozializatzailea eta hezitzailea azpimarratu eta jarduera ludiko eta talde jolasaren bitartez zenbait gaitasun lantzeko baliagarria den tresna ere sortu dute.

Nahiz eta jolasen bilduma hau haurrentzat zuzenduta egon, helduen esku hartzea ere bultzatu nahi dute. Honetarako, irizpide eta aholku sorta ere prestatu dugu batez ere erabilera hezkidetzailea sustatu nahian.

Hezkidetza zergatik? Hain ohikoak diren sailkapen sexistak ekidin eta neska zein mutil izan jolasteko aukera guztiak eskainiz, haurrek euren identitate eta gaitasun sozialak askatasunean eraikitzeko besteak beste.

Hemen aurkitu dezkazu kalekantoiko  hezkidetza gida.

Liburuxka honek, guztira 41 jolas biltzen ditu, haurren egunerokotasunean oinarritutako 6 multzotan banatuak:

– Bidejolasean: etxetik eskolara bidean jolastekoak.
– Gora jaixak: herrietako jaiak dituzte iturri.
– Helduak poteoan ari dira: helduen poteo aspergarrietan umeek ere gozatu dezaten.
– Eta orain bazkaria: bazkari amaigabeetan jolastekoak.
– Bizi bete kalea!: kaleko izkina edo txoko ezberdinetara moldatutakoak.
– Amalurra ere gure lagun: naturak oparitzen dizkigun jolasak.

 

 

 

 

 

 

 

 

 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading