Quantcast

Jolas proposamena: Karta hegalariak

 

Herri eta hiriak haurrenak ere badirela aldarrikatzeko sortu zuen Txatxilipurdi elkarteak kalekantoi jolas bilduma. Bertatik ekarri dugu jolas proposamen hau. karta hegalariak.

 

Azalpena:

Bakoitzak karta bat hartuko du  eta ezpainekin ertz batetik helduko dio. Ilaran jarriko gara guztiok eta atzamarrekin karta joz ia zein urruti bidaltzeko gai garen!

Ia zenbat jolas desberdin aurkitzen ditugun! Adibidez: Karta mahai baten ertzean erdi irtenda kokatu eta bi atzamarrekin gorantz emanez mahai gainean utzi, hurrengo lagunak berdina egin eta aurrekoaren karta gainean uztea lortu behar du! Edo bien artean ibilbide bat osatu…!

HELBURUA:

Nagusiena kontsideratzen den eta erabilera “bakarra” izan ohi duen zerbaiti erabilera berria emanez sormena lantzea.

 

Argazkietan:  Oñatiko Txaloka ludotekako haurrekin egin genuen karta hegalarien jolasa, ludoteka kanpoko zelaian.

 

 

1-KARTAK BANATU

2-ILARAN JARRI

3-PREST!

4-EA NORK URRUTIAGO!

 

 

 

 

 

 

 

 

 

 

 

kalekantoi Egunerokotasunean hainbat egoeretan jolasteko jolasak batzen dituen bilduma da . Jolasak norberaren edo lagun taldearen gustura eta imajinaziora moldatzeko sortuak izan dira. Baita, espazio ezberdinek ematen dizkiguten aukera eta materialetara ere.

Herri eta hiriak haurrenak ere badirela aldarrikatzeko sortu zuen Txatxilipurdi elkarteak. Horregatik bultzatu nahi izan dituzte haurrak kalea bere egitera eta berain kasa bertan jolastera, Kale kantoiren hartzaile natural eta jolasaren protagonista izanik. Era berean, jolasaren indar sozializatzailea eta hezitzailea azpimarratu eta jarduera ludiko eta talde jolasaren bitartez zenbait gaitasun lantzeko baliagarria den tresna ere sortu dute.

Nahiz eta jolasen bilduma hau haurrentzat zuzenduta egon, helduen esku hartzea ere bultzatu nahi dute. Honetarako, irizpide eta aholku sorta ere prestatu dugu batez ere erabilera hezkidetzailea sustatu nahian.

Hezkidetza zergatik? Hain ohikoak diren sailkapen sexistak ekidin eta neska zein mutil izan jolasteko aukera guztiak eskainiz, haurrek euren identitate eta gaitasun sozialak askatasunean eraikitzeko besteak beste.

Hemen aurkitu dezkazu kalekantoiko  hezkidetza gida.

Liburuxka honek, guztira 41 jolas biltzen ditu, haurren egunerokotasunean oinarritutako 6 multzotan banatuak:

– Bidejolasean: etxetik eskolara bidean jolastekoak.
– Gora jaixak: herrietako jaiak dituzte iturri.
– Helduak poteoan ari dira: helduen poteo aspergarrietan umeek ere gozatu dezaten.
– Eta orain bazkaria: bazkari amaigabeetan jolastekoak.
– Bizi bete kalea!: kaleko izkina edo txoko ezberdinetara moldatutakoak.
– Amalurra ere gure lagun: naturak oparitzen dizkigun jolasak.

 

 

 

 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading