Quantcast
Guraso.eus

Haur eta gazte literatura. Proposamena. Pinotxoren abenturak

 

Haurtzaroko abenturak kontatzen dituen hogeita hamasei ataletako obra hau haur literatura unibertsalaren mugarri bat da. (10 urtetik gora)

fitxa teknikoa

 

izenburua: Pinotxoren abenturak

Idazlea: Carlo Collodi

Argitaletxea: Alberdania-Erein-Igela

Argitalpen data: 2011

Itzultzailea: A. Pontesta, K. Biguri, G.J. Goikoetxea

Ilustratzailea: Jokin Mitxelena

Bilduma: Klisk-klasikoak

Orri kopurua: 171 orrialde

 

Laburpena

 

Itzulpen fidel eta aberats batean plazaratua, Pinotxoren abenturak osorik eta moldaketarik gabe irakurtzeko aukera eskaintzen digun edizioan, ezinbesteko irakurketa da.
Bere atalkako banaketagatik irakurketa errazekoa izanik ere, obra bere luzera osoan irakurtzeko irakurle saiatua eskatzen du edota, bestela, talde irakurketarako oso egokia izan liteke.

Iturria: Galtzaggorri elkartea

“Munduko aitarik onena, eta ni munduan egon litekeen semerik gaiztoena.–Bart egin duen ekaitzarekin hondoratu egingo zen txalupatxo hori! –erantzun zuen izurdeak.–Eta nire aita?–Honezkero irentsi du egun hauetan gure uretan dabilen marrazo izugarriak, egundoko sarraskiak eta hondamendia egiten ari da eta.–Oso handia al da marrazo hori? –galdetu zion Pinotxok, beldurrez dardaraka hasita.–Handia diozu?… –erantzun zuen izurdeak–. Ideia bat izan dezazun, bost solairuko etxe bat baino handiagoa da, eta haren aho zabal sakonetik aise asko pasatuko litzateke tren bat bere lokomotora eta guzti.”

Pinotxo.Carlo Collodi

kritika

 

2012. urtean Imanol Mercerok egindako kritika berrian

Hau da ezustekoa hartuko duzuna liburu hau irakur- tzen baduzu! Niri, bederen, halaxe gertatu zait. Denok bezala Pinotxoren abenturen berri ba- nuen, txikitako istorio laburtu haietan, telebistan, pintatzeko koadernotxo haietan guztietan ezagutu bainuen sudurra hazten zitzaion txotxongiloa.Ba ez. Benetako istoriotik osourrun nengoen. Eta ez dut esan
nahi orain ezagutu dudan Pinotxo erabat gustatu zaidanik.Kontua da Pinotxo berri bat ezagutu dudala —benetako Pinotxo— eta orain arteko hura baino askozaz interesgarriagoa iruditu zaidala. Noan harira. Pinotxoren abenturak Collodi abizeneko kazetari batek idatzi zituen, eta atalka argitaratu italiar egunkari batean XIX. mendean. Denera 36 atal. Testuak garai hartako haurren bizimoldea du inspirazio iturri, eta, esan beharrik ez dago, garai hartako haurrak kale gorrian bizi ohi ziren. Eta ezaugarri horrek obraren zer-nolako guztiak baldintzatzen ditu. Obra arina da, umorea eta arriskua dosifikatuz eraikia, amaierarako suspensea gordetzen duena, eta moralizantea, haurrei txintxo izatearen onurak eta bihurri izatearen kalteak azpimarratzen nekatzen ez diren horietakoa. Horregatik, nik uste, istorioa kolpe bakarrean baino, atalka hobeto irakurtzen da, zortzi-hamar urtetik aurrera. Azkenik, goraipatu itzulpen lan bikaina dela, euskara arin eta aberatsean egina, eta halako altxorraren jabe Galtzagorri elkartearen Klis-klasikoak ekimenari esker egin garela

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading