Familientzako plana: Urederra (Nafarroa)

Zailtasuna: erraza / Iraupena: 2 ordu eta erdi (joan-etorria) / Ibilbidea: 6 km  / Goibehea: 250 m.

Lagun koadrilan nahiz familian egin daitekeen ibilbidea da. Nafarroako Bakedano herritik abiatuta, zailtasun gutxi duen ibilbide erraza da. Bakedano-Urederra ibilbideak, 6 kilometro ditu eta 250 metroko desnibela. Joan-etorria bi ordu eta erdian egin daiteke lasai joanda.

Ibilbide oso aproposa da paisaia zoragarriari erretratuak ateratzeko. Bidean topatuko dituzue ur-jauzi ikusgarriak eta turkesa koloreko ur-putzuak. Zuhaitzen hostoen koloreak paisaiari ukitu erromantikoa ematen diote Urederreko natura-erreserbaren edertasuna goraipatuz. Hortik datorkio izena: ur ederra.

Ibilbide osoa seinalez markatua dago. Bakedano herrian aparkamendua dago eta bertatik zuzen abiatu daiteke erreka jarraituz hau jaiotzen den punturaino.