Quantcast
Guraso.eus

Familiei zuzendutako eskaintza, Donostiako San Telmo museoan

San Telmo Museoa Euskal Herriko museo zaharrena da eta bertan euskal gizartearen bilakaera ezagutu daiteke historiaurretik gaur egun arte.

 

 

 

 

 

 

 

 

Erakusketa iraunkorra abiapuntutzat hartuta familiei zein neska-mutikoei zuzendutako hainbat tailer eta jarduera eskaintzen ditu museoak. Adin guztietarako eskaintza du, bereziki opor sasoi honetan.

Jarduera berezi horiek 6-12 urte bitarteko neska-mutikoei eta horien familiei zuzenduta daude eta urritik Aste Santura bitartean burutzen dituzte. Hitzordua, gehienetan, zapatuan da 17:00etan eta ekintza ia guztiak euskaraz dira. Ez da beharrezkoa aurrez izena ematea, baina gomendatzen da sarrera aurrez hartzea. Hil hasieran ipintzen dituzte salgai eta prezioa da bost euro familiako.

Ikusi hemen museoak familientzako antolatu dituen tailerrak. Ikuskizunak, sormen tailerrak, eta ipuin saioak daude, besteak beste. Aukera dago baita ere 2018/2019 ikasturteko programazio osoa deskargatzeko (PDF).

San Telmo museoak, bestalde, familiei zuzendutako jarduerei buruzko informazio buletina du. Hemen eman behar da izena posta elektroniko bitartez jasotzeko.

 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading