Quantcast
Guraso.eus

Familia politikei buruzko jardunaldi berezia urriaren 11n Bilbon

Familiari zuzendutako politikak ongizate estatuan aztertuko dituzte Ezkerraberri Fundazioak eta EHUgunek antolatutako jardunaldi berezian. Rennes eta Bartzelonako irakasleak, Eusko Jaurlaritzako ordezkariak eta Euskal Herriko Unibertsitateko eta Gaindegiako adituak izango dira bertan.

Ekimenaren izenburua da Familiari zuzendutako politika publikoak ongizate estatuan eta bost orduko egitaraua aurreikusten du.

“Euskal gizarteak prozesu demografiko eta sozioekonomiko gogorrak bizi izan ditu II. Mundu Gerraz geroztik. (…) Familia da arestian aipatu ditugun prozesuen protagonista eta biktimetako bat. Dela adineko senideen zaintza, dela belaunaldi gazteena, familiako zaintza ardurak dituzten pertsonen errenta, insertzio sozio-profesionala —emakumearena batez ere—… Familiak unitate moduan murrizketa eta zailtasun nabarmenak bizi ditu bere eginkizuna eraginkortasunez betetzeko”, adierazi dute antolatzaileek.

Egoera aztertzeko eta inguruko herrialdeetan indarrean dauden familia eta babes sozialeko politikoak ezagutzeko hiru hitzaldi eta mahai-inguru bat antolatu dituzte. “Jardunaldi honek lagungarri gertatu beharko luke tokian tokiko egoerak interpretatzen laguntzeko eta jarduera politiko berriak bideratzeko”, esan dute.

Jardunaldia EHUko Bizkaia aretoan izango da, Bilboko Abandoibarra etorbidean. Parte hartzea doakoa da, baina aldez aurretik izena ematea ezinbestekoa da. Euskararen, frantsesaren eta gaztelaniaren arteko aldibereko itzulpena egongo da.

Egitaraua
• 9:00: JARDUNALDIAREN AURKEZPENA.
• 9:10: SARRERA HITZALDIA: Familiari eragiten dizkioten politikak, demografiatik gogoeta. Anna Cabré, Bartzelonako Unibertsitate Autonomoa
.
• 9:55: HITZALDIA: Euskal gizartearen argazki sozio-ekonomikoa. Imanol Esnaola, Gaindegia
.
• 10:30: BIDEOHITZALDIA: Familiari zuzendutako laguntza-politikak Frantzian. Claude Martin, Rennesko unibertstitatea, CNRS
.
• 11:25: KAFEA.
• 11:45: MAHAI INGURUA: Zer egin gurean? Zer-nolako politikak behar ditugu familientzat XXI. mendeko euskal gizartean?

◦ Moderatzailea: Mertxe Larrañaga, Euskal Herriko Unibertsitatea
.
◦ Anna Cabré
, Bartzelonako Unibertsitate Autonomoa.
◦ Eguzki Urteaga, Euskal Herriko Unibertsitatea
.
◦ Ernesto Sainz Lanchares, Familia Politikako eta Aniztasuneko zuzendaria, Eusko Jaurlaritza.
◦ Eta beste aditu batzuk.

• 13:45: ITXIERA

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading