Quantcast
Guraso.eus

Bizilore, egia bihurtutako ametsa. Jardunaldi pedagogikoak (Azkoitia)

When:
2018-01-27 @ 9:30 – 18:00
2018-01-27T09:30:00+01:00
2018-01-27T18:00:00+01:00
Bizilore, egia bihurtutako ametsa. Jardunaldi pedagogikoak (Azkoitia)

Badira 5 urte Bizilorek lehen urratsak eman zituenetik eta lehen urrats haiei esker iritsi da gaur dena izatera. Ibilbide sakona izan da, joan–etorri desberdinak izan dituena, bidean izerdi tanta asko isuri dituguna. Sinesten genuen zerbaitean jarduteak ematen duen indarrak mugituta gaur esan dezakegu ametsak egia bihur daitezkeela, ortzian dauden izar eta astroak bat egiten dutenean posible dela. Gure proiektuak jakin-mina sortzen duela adierazten digu egunerokotasunean jasotzen dugun harrerak.

BIZILOREn inguruan galdera ugari jasotzen dugu egunerokoan: Nola sortu zen? Zergatik zaudete eraikin honetan? Zuek erosia da? Zenbat ume daude eskolan? Zein adinetakoak? Eskolak ze izaera du? Nola egiten duzue egunerokoan umeekin? Zer aurkituko du umeak eskolan? Zergatik deitzen diezue irakasleei bidelagun? Zenbat bidelagun daude? Zein espazio eta material eskaintzen dituzue? Zergatik horiek? …. Eta eskaera ugari ere jasotzen ditugu, eskola bisitatzeko eta batez ere umeak eskolan daudenean behatzeko.

Honengatik guztiarengatik erabaki dugu guk egiten duguna jaso eta interesatuta dagoen ororekin partekatzea. Horretarako jardunaldi pedagogikoak antolatu ditugu, bertan, nor garen eta nola antolatzen garen azaltzeaz gain, hezkuntzaz dugun begirada eta ikuskera azalduko dugu eta Bizilore eskola egunerokoan zer den erakutsiko dugu. Guztion artean hezkuntzaz hausnartu eta egoera berriak irudikatzeko egun ederra izango da, amets egiteko eguna izango da, bai eta eguneroko errealitatea ametsetara nola hurbildu zubiak eraikitzeko eguna ere.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading