Quantcast
Guraso.eus

Edurne Larraza: “Garrantzitsua da gure gazteak teknologia berrien erabiltzaile soilak ez izatea, eta ulertzea horien atzean zer dagoen”

Code.org plataforma zeresan handia ematen ari da mundu osoan zehar. Euskaratuta dago guztiz, eta adituek azpimarratu dute gaur egungo mundu teknologiko honetan garrantzitsua dela erabiltzaile soilak ez izatea.

Plataforma digital honen inguruko saioekin zabaldu dute, aurten, Durangoko Azokako Kabi@ gunea. Teknologia berrien plaza da Kabi@a, eta bertako arduradunek berezibiko garrantzia eman diote tresna berri honi.

Captura de pantalla 2015-12-05 a las 22.23.33

Jokoen bidez programatzen ikasteko plataforma da Code.org eta auzolanaren emaitza da guztiz euskaratua izatea. “Eskola batzuetan interesa handia da. Irakasle taldeak etorri zaizkigu Code.org zer den ezagutzeko asmotan”, adierazi du Kabi@a-ko arduradun Gorka Juliok. “Egia da gutxi direla oraindik, baina nabarmen hazten ari den kezka bat da. Alegia, beste zientzia bat moduan ikasleei programatzen irakastea”.

Tresna oso baliagarria dela azpimarratzen dute adituek, eta batez ere oso erabil erraza. “Ikasleek jokoen bidez ikasten dute. Eskoletan erabil daiteke baina baita ere nork bere etxean”, azaltzen du Juliok. Mundu mailan zeresan handia ematen ari da plataforma.

Iritzi berekoa da Durangoko Azokan egindako ikastaroak gidatu dituen Edurne Larraza. “Code.org da programazioaren oinarrizko kontzeptuak ikusteko eta ikasteko plataforma bat. Gazteei egokitutakoa da: gaur egun erabiltzen dituzten jolasetan eta pelikuletan oinarrituta dago, eta oso gidatua da. Bakarrik ere erabil dezakete”.

Captura de pantalla 2015-12-05 a las 22.26.23

Larrazaren ustez garrantzitsua da neska-mutikoek programazioaren inguruko nozio batzuk ulertzea. “Irakasten diegunean irakurtzen ez diegu bakarrik irakasten irakurtzen; idazten ere irakasten diegu, eta oso garrantzitsua da ondo idaztea. Ez dira guztiak programatzaile izatera iritsiko, ez dituzte guztiek sekulako tresna digitalak sortuko, baina jakin behar dute, gutxienez, horren atzean zer dagoen eta nola funtzionatzen duen”, azaldu du.

Larrazak gaineratzen du gaur egun, goizean goizetik, tresna digital mordoa dutela gazteek eskura, eta garrantzitsua dela erabiltzaile soilak ez izateko horiek nola sortzen diren jakitea.

One thought on “Edurne Larraza: “Garrantzitsua da gure gazteak teknologia berrien erabiltzaile soilak ez izatea, eta ulertzea horien atzean zer dagoen”

  1. Pingback: Robotika eskolek gero eta arrakasta handiago dute gazteen artean

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading