Argitaratu berri dira Erresuma Batuko NICE gida berri eta erreferenteak (NICE gidak Ingalaterrako eta Galesko NHSn patologiak eta baldintza espezifikoak dituzten pertsonen tratamenduari eta arretari buruzko gomendioak dira).


Arreta berezia jartzen dute erditu behar duten  emakumeei dituzten  aukerei buruzko informazio egokia ematean eta aukera libre informatua ahalbidetzean.


Gogorarazi dute garrantzitsua dela emakumeei jakinaraztea erditzearen eragite artifiziala,  erditze-aukerei eta amaren esperientziari eragiten dien esku-hartze mediko bat dela, honako hauek barne hartzen dituena:

  • Baginako ukimen gehiago.
  • Jaiolekua hospitalera  mugatzen da, oxitozina, monitorizazio jarraitua eta epidurala erabiltzeko aukerak egongo direlako.
  • Erditzean  bainuontzia erabiltzeko mugak egon daitezke, baina ez da erabateko kontraindikazioa.
  • Erditze instrumentatua izateko  arrisku handiagoa eta uzkiko esfinterra erasaten (desgarratzeko)  arrisku handiagoa.
  • Erabiltzen diren farmakoek umetokiaren hiperestimulazioa eta fetuaren sufrimendua eragin dezakete.
  • Erditzea mingarriagoa da.
  • Ospitaleratzea luzeagoa izan daiteke.

Garrantzitsua da emakumearekin hitz egitea:

  • Zergatik eskaintzen dugun indukzio edo erditzean eragite artifiziala.
  • Prozedura non, nola eta noiz egingo den.
  • Mina maneiatzeko eskuragarri dauden baliabide farmakologikoak aurkeztea.
  • Indukzioari uko eginez gero dauden Alternatibak aurkeztea.
  • Esku-hartzearen arriskuak eta onurak.
  • Indukzioak huts egiteko aukera.


Garrantzitsua da gainera:

  • Emakumeari nahikoa denbora ematea senideekin dituen aukerei buruz hitz egiteko.
  • Emakumea animatzea beste iturri batzuetako informazioa irakurtzera.
  • Ziurtatzea emakumeak dituen zalantza guztiak galdetzen dituela.
    Emakumeak indukzioa onartu, atzeratu, gelditu edo baztertu dezakeela onartzea. Garrantzitsua da bere erabakiak une oro errespetatzea.


Informazio gehiago: https://www.nice.org.uk/guidance/ng207

Informazioaren iturria: Hemen

Garrantzitsua da erditzean ditugun eskubideak zeintzuk diren jakitea. Sabeletik Mundura webgunean bilduta dugu erditzearen inguruko informazioa baita erditzean ditugun eskubideak zerrendatuta ere.

Ezagutu zure eskubideak

  • Erditzean dauden profesionalak identifikatu daitezen eskatzeko eskubidea dugu: izena, titulazioa eta espezialitatea eskatuz.
  •  Informaziorako eskubidea dugu gure osasunarekin zerikusia duten gai guztietan. Esku hartze eta prozesu bakoitza ezagutu aurrez eta argi azaldu behar zaizkigu.
  • Erabakitzeko eskubidea dugu: gure osasun edo gorputzari eragiten dion edozein esku hartzeri baimena eman behar diogu (baimen informatua), eta edozein unetan baimen hori atzera bota dezakegu. Edozein esku hartze ukatzeko eskubidea dugu.
  • Eskuragarri dauden aukera kliniko desberdinen artean erabakitzeko eskubidea dugu, eta gure erabakiak errespetatua izan behar du.
  • Gure intimitate eta duintasun fisiko zein morala errespetatuak izateko eskubidea dugu. Ginekologia edo emagin egoilarrak egoteko, idatzizko baimena eman behar dugu eskubidedun pertsonatzat eta besteen mesederako ez erabiltzea babesturik gera daitezen.
  • Protokolo medikuak onartu edo ez erabakitzeko eskubidea dugu, baita bestelako tratamenduak hautatzekoa ere. Protokoloak ez dira derrigorrez bete beharreko gidak.
  • Erditze plana izateko eskubidea dugu.

Iturria: El Parto Es Nuestro.

Hemen irakur dezakezu Osakidetzak erabiltzaile eta pazienteen eskubideen duen atala.