Oilasko soberakinak baditugu aukera ona da enpanadillak egitea.
Zortzi enpanadilla egiteko beharko ditugu: oilasko soberakinak, enpanadillak egiteko zortzi olata, 2-3 koilarakada esne-gain, koilarakada bat tomate frijitu, eta arrautza bat.
Esne-gaina tomatearekin nahastuko dugu eta minutu eta erdi sartuko dugu mikrouhinean. Egosi egin behar dugu. Oilaskoa zati txikitan prestatuko dugu, eta nahasketari gehituko diogu. Ondo nahasi guztia, eta hozten utzi. Hoztu denean sendotu egiten da. Orduan, olatak bete, ondo itxi eta arrautza zuringoarekin bernizatu. Labeak amaituko du lana: hamar minutu beharko ditu 200 graduko tenperaturan. Eta on egin!