Quantcast

‘Bullying-aren mugak gainditzen’ jardunaldia, azaroaren 24an, Azpeitian

Udako Euskal Unibertsitateak (UEU) eta Azpeitiko Udalak Bullyingaren mugak gainditzen jardunaldia antolatu dute gaiaren inguruan lan egiten duten agenteak elkartzeko eta komunitate moduan nola eragin daitekeen hausnartzeko. Jardunaldia Sanagustin kulturgunean egingo dute eta zabalik da izen-emate epea hemen.

UEUko zuzendari Iñaki Alegriak, jardunaldietako koordinatzaile Eli Morenok, Azpeitiko Udaleko Gizarte Zerbitzuetako batzordeburu Estitxu Elduaienek eta hezkuntza zinegotzi Leire Goenagak egin dute jardunaldiaren aurkezpena.

“UEUren egiteko garrantzitsuenen artean aurkitzen dira topaguneak sortzea eta tokian tokiko gizarteak dituen beharrei erantzutea horretarako beharrezkoa den marko akademikoa emanez. Gaur gure gizartearentzat kezka iturri den gai baten topaketa aurkeztera gatoz”, adierazi du UEUko zuzendari Iñaki Alegriak. “UEUren zeregina izango da gai hori eremu akademiko batean kokatzea. Helburua da ikastea, eztabaidatzea, trukatzea eta elkar aberastea”.

Ildo beretik jo du Azpeitiko hezkuntza zinegotzi Leire Goenagak. “Azken aldian bullying-a arazo larri bihurtu da ikastetxeetan eta gizartean. Jardunaldiak gaia aditu desberdinekin eta puntu desberdinetatik lantzeko aukera emango digu”.

Kontaktuak egin eta sareak sortu

Eli Moreno psikologoa da jardunaldiaren koordinatzailea eta azaldu du azken urteetan gero eta kasu gehiago salatzen direla. “Badirudi esku hartzeko orduan zailtasunak izaten ditugula erabakitzeko bullying-aren tratamendua eman behar diogun ala ez, eta nortzuk esku hartu behar duten. Zailtasun horiek alde batera utzita, danok ados gaude bullying-a bizitzen ari den/diren pertsonak sufrimendua dutela eta sufrimendu hori desagertzen ahalegindu behar garela”.

Sufrimendua inguruan dauden guztientzat da, eta ez bakarrik zuzenean inplikatuta daudenentzat; hala nola familia, lagunak… Horregatik azaldu du Morenok jardunaldiaren helburua dela bullying-ari aurre egiteko komunitatearen inplikazioaren beharraz konturatzea eta aurre egiteko estrategiak ezagutzea.

Prebentzioan eta detekzioan eragin behar da. “Honez gain, bullying-aren gaia genero ikuspegiarekin eta gailuekin lotzea nahi izan dugu; batetik generoak halako egoeretan duen eragina aztertzeko, eta bestetik gailuen eragina zein den eta zein aukera eskaini ahal dituzten aztertzeko”.

Gaineratu du jardunaldia aukera ona izango dela bullying-ari aurre egiteko egiten ari denaren argazkia ateratzeko. “Behin argazkia eta kontaktuak eginda sareak sortzeko eta lan ildo desberdinak irekitzeko aukerak egon daitezke”.

Egitaraua

. 08:30-09:00 Harrera eta dokumentazioa-banaketa.

. 09:00-09:30 Hasierako ekitaldia:
• Eneko Etxeberria, Azpeitiko alkatea.
• Iñaki Alegria, UEUko zuzendaria.
• Eli Moreno, jardunaldiaren antolatzailea.

. 09:30-10:30 Bullyinga: zer da eta zer aldagaiekin erlazionatzen da?
Hizlaria: Izaskun Orue Sola. Psikologian doktorea. Deustuko Unibertsitateko irakaslea.
Aurkezlea: Eli Moreno.

. 10:30-11:30 Hiritartasun digital arduratsua eta aktiboa nola sustatu haur eta nerabeen artean. Hizlaria: Urko Fernandez Roman. PantallasAmigas ekimenaren proiektu arduraduna.
Aurkezlea: Eli Moreno

.11:30-12:00 Atsedena eta kaferako etena.

.12:00-13:45 Mahai-ingurua:
• Zeuk Esan (Eusko Jaurlaritzako zerbitzua). Kepa Torrealdea.
• Familia baten esperientzia. Maddi Imaz.
• Psikologoa, haur eta nerabezaroan espezializatua. Miren Isasi.
• Azpeitiko Ikastola Karmelo Etxegarai. Bullying Prebentzio Programa.
• Azpeitiko Ikastola Ikasberri koop.e. Kiva Programa.
• Azpeitiko Iraurgi ikastetxea. Ikasle Laguntzaile Programa.
Moderatzailea: Eli Moreno

. 14:00-15:30 Bazkaria

. 15:30-17:00 Aldibereko ailerrak

1. (Ziber) bullyinga eta genero eraikuntzak, hezkuntzan aztertu eta landu behar diren ezinbesteko erlazioak? Estibaliz Linares.

2. Substantziarik gabeko menpekotasunak: zer dago mugikor baten atzean? Paula Jauregui.

3. Esku-hartze ekosistemikoa: gazteen bortizkeria egoerak eta bizikidetza hausturak nola kudeatu. Ana Orozko (Gizagune).

4. Bullyingari, aurrez-aurre, aurre eginez: noiz, nola eta nork zer egin? Izar Arregi

.17:00-17:15 Ondorioak eta jardunaldiaren amaiera.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading