Quantcast

Aurrerantzean, haurra jaiotakoan gurasoek ez dute zertan Erregistro Zibilera joan beharrik izango

Urriaren 15etik aurrera, ospitalean bertan egin ahal izango da haur jaioberrien erregistroa.

Captura de pantalla 2015-10-15 a las 12.06.37

Astearte honetan hartu dute erabakia Espainiako Kongresuan. Hala, aurrerantzean, gurasoek ez dute zertan Erregistro Zibilera joan beharrik izango haurra inskribatzeko eta Familia Liburuan sartzeko. Ospitaleek bideratuko dute prozedura hori modu telematikoan, eta ospitaleetako langileak izango dira jaioberrien erregistroaz arduratuko direnak. Datuak elektronikoki bidali beharko dituzte erregistroaren egoitzetara. Jakinarazi dutenez, baina, neurria progresiboki ezarriko dute.

Haurra jaio ondotik gurasoek 24 orduko epea izango dute gurasotasun adierazpena egiteko eta ospitaleetako zuzendaritzak 72 orduko epea izango dute Erregistro Zibilari jaiotzaren berri emateko. Hala, ospitaleetako langileek hartuko dituzte haurraren oinetako eta amaren hatzetako markak. Era berean, erditzean parte hartzen duen medikuak jaiotzaren jakinarazpena sartuko du, sinadura elektronikoarekin batera. Froga horiek inskripzioarekin batera aurkeztuko dituzte elektronikoki bidaliko duten formulario bat bitartez.

Inskripzio prozedura honetatik kanpo gelditzen dira, oraingoz, alokairuko amen bitartez jaiotako haurrak.

Argazkiaren iturria hemen.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading